الرئيسية
صلاح جاهين وعجبى !!!
مختارات من رباعياته
ياللي انت بيتك قش مفروش بريش
تقوى عليه الريح.. يصبح ما فيش
عجبي عليك حواليك مخالب كبار
و مالكش غير منقار وقادر تعيش
عجبي
*******
سمعت نقطة ميّه جوه المحيط
بتقول لنقطة ما تنزليش في الغويط
أخاف عليكي م الغرق.. قلت أنا
ده اللي يخاف م الوعد يبقي عبيط
عجبي
*******
بحر الحياة مليان بغرقى الحياه
صرخت خش الموج في حلقي ملاه
قارب نجاه.. صرخت قالوا مفيش
غير بس هو الحب قارب نجاه
عجبي
*******
النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فعلها
قول للطبيعة كمان تبطل دلع
عجبي
*******
صوتك يا بنت الإيه كأنه بدن
يرقص يزيح الهم يمحي الشجن
ياحلوتي وبدنك كأنه كلام
كلام فلاسفه سكروا نسيوا الزمن
عجبي
*******
كرباج سعادة وقلبي منه انجلد
رَمَح كأنه حصان ولف البلد
ورجع لي نصل الليل وسألني.. ليه
خجلان تقول انك سعيد يا ولد
عجبي
*******
مزيكة هادية الكون فيها انغمر
وصيف وليل وعقد فل وسمر
ياهلتري الناس كلهم مبسوطين
و ياهلتري شايفين جمال القمر؟
عجبي
*******
آه لو انا ومحبوب جزنا الفضا
في سفينة وحدينا.. وأشياء رضا
ساعة صفا تعجبنا نرجع لها
والهم قبل ما ييجي.. يبقى مضى
عجبي
*******
إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًـــــــودً
تمـــــــــص فيه يا حلو .. و يمص فيك
عجبي !!!
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أجمل صفاته .. وانت راح توجده
عجبي !!!
أنا شاب لكن عمري ألف عام
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
خرج ابن آدم من العدم قلت : ياه
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبى!!
و الكون ده كيف موجود من غير حدود
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
يا باب يا مقفول ... إمتى الدخول
يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
عجبتني كلمة من كلام الورق
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
غسل المسيح قدمك يا حافي القدم
غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي !!
بين موت وموت .. بين النيران والنيران
بين موت وموت .. بين النيران والنيران
ع الحبل ماشيين الشجاع والجبان
عجبي عَلادي حياة .. ويا للعجب
إزاي أَنا - يا تخين - بقيت بهلوان
مختارات من رباعياته
ياللي انت بيتك قش مفروش بريش
تقوى عليه الريح.. يصبح ما فيش
عجبي عليك حواليك مخالب كبار
و مالكش غير منقار وقادر تعيش
عجبي
*******
سمعت نقطة ميّه جوه المحيط
بتقول لنقطة ما تنزليش في الغويط
أخاف عليكي م الغرق.. قلت أنا
ده اللي يخاف م الوعد يبقي عبيط
عجبي
*******
بحر الحياة مليان بغرقى الحياه
صرخت خش الموج في حلقي ملاه
قارب نجاه.. صرخت قالوا مفيش
غير بس هو الحب قارب نجاه
عجبي
*******
النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فعلها
قول للطبيعة كمان تبطل دلع
عجبي
*******
صوتك يا بنت الإيه كأنه بدن
يرقص يزيح الهم يمحي الشجن
ياحلوتي وبدنك كأنه كلام
كلام فلاسفه سكروا نسيوا الزمن
عجبي
*******
كرباج سعادة وقلبي منه انجلد
رَمَح كأنه حصان ولف البلد
ورجع لي نصل الليل وسألني.. ليه
خجلان تقول انك سعيد يا ولد
عجبي
*******
مزيكة هادية الكون فيها انغمر
وصيف وليل وعقد فل وسمر
ياهلتري الناس كلهم مبسوطين
و ياهلتري شايفين جمال القمر؟
عجبي
*******
آه لو انا ومحبوب جزنا الفضا
في سفينة وحدينا.. وأشياء رضا
ساعة صفا تعجبنا نرجع لها
والهم قبل ما ييجي.. يبقى مضى
عجبي
*******
إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًـــــــودً
تمـــــــــص فيه يا حلو .. و يمص فيك
عجبي !!!
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أجمل صفاته .. وانت راح توجده
عجبي !!!
أنا شاب لكن عمري ألف عام
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
خرج ابن آدم من العدم قلت : ياه
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبى!!
و الكون ده كيف موجود من غير حدود
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
يا باب يا مقفول ... إمتى الدخول
يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
عجبتني كلمة من كلام الورق
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
غسل المسيح قدمك يا حافي القدم
غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم
عجبي !!
بين موت وموت .. بين النيران والنيران
بين موت وموت .. بين النيران والنيران
ع الحبل ماشيين الشجاع والجبان
عجبي عَلادي حياة .. ويا للعجب
إزاي أَنا - يا تخين - بقيت بهلوان
